لکھاری:سید تنویر نقوی
(نوٹ:یہ کالم 23مارچ 2018ء کو روزنامہ سٹی 53گجرات میں شائع ہوا تھا جسے قارئین کے پُرزور اصرار پرنشر مکرر کے طور پر شائع کیا جارہاہے:ادارہ)
کل بیٹھا میں سوچ رہیا ساں گل اک گزرے ویلے دی
اپنے پنڈ دے پپلاں ہیٹھاں نکی عید دے میلے دی
گول دھارا واہ کے کھوتا کوڈی کھیڈنا۔۔۔۔۔اس ویلے کوڈی کھیڈن لئ دو دائرے چاہی دے ہوندے سن۔تے اپنے اپنے دائرے وچ رہ کے کھیڈیا جاندا سی ۔کوڈی کوڈی آکھدیاں دوجی ٹیم دے کھلاڑی پچھے نسنا۔۔۔۔۔فیر ساہ اکھڑنے تے پیچھاں بھجنا۔۔۔۔۔اپنے دائرے وچ واپس آءونا۔۔۔۔۔۔ہولی ہولی دائرہ کار کھلدا گیا۔تے پتہ لگیا کہ ساڈھے آلے دوالے تے ڈھیر سارے دائرے نیں۔۔۔۔۔
کھیڈاں سب وچالے پئیاں ناں او سجن ناں او سئیاں
ایویں پھیرے پاں ایہہ نئیں مینڈا گراں
سکول وچ ماسٹر صاحب دائرے دے بارے پڑھاندے سن۔۔۔۔۔ دائرے دا راہ لبھنا بڑا اوکھا کم اے ۔ ایس کائنات دی تقریبا ہر شے اپنے اپنے دائرے وچ تیر رہی اے بے شک قرآن کولوں پچھ لو؟زمین ‘سورج ‘چن’ تارے’کہکشاواں۔۔۔۔۔۔
صدیاں پہلاں البیرونی نے پنڈ دادنخان وچ بہہ کے زمین نوں دائرہ من کے ایس دا گھیرا معلوم کر لیا سی۔۔۔ویلا لنگھ داجاندا اے نویں نویں دائرے دریافت ہوندے نے پے۔پر اسلام دا دائرہ بڑا پرانا اے۔۔۔پہلاں اے دائرہ بڑا ۔۔۔۔۔۔۔۔وڈا ہوندا سی ایدے وچ داخل ہون دی بڑی گنجائش ہوندی سی۔لوکیں عمل’اخلاق تے اخلاص ویکھ کے ایھے وچ لنگھ آءوندے سن۔۔۔۔ہون اساں اینوں سکیڑ سکیڑ کے ایناں چھوٹا کر دتا اے کہ سب نے اپنے اپنے دائرے بنا لے نیں۔پہلاں دائرہ اسلام وچ داخل کیتا جاندا سی۔۔ہون چونکہ ساڈھے اپنے اپنے دائرے نیں۔ایس لئ جیہڑا ایدھے وچ پورا ناں آوے اونوں دائرہ اسلام توں خارج سمجھیا جاندا اے۔۔۔۔۔۔دشمن ساڈھے ہتھ وڈہن نوں سوڑا اےتے اسی اجے تک نماز وچ ہتھ بنن تے جھگڑدے پھرنے آں۔۔۔ پہلاں درساں وچ گلیاں منگی دیاں سن ہن استاد آکھدے نیں پیسے منگ کے لیاءو۔۔۔روٹیاں نال لانگھا نئیں ہوندا۔۔۔۔۔درساں دے شاگرداں توں لے کے حکمراناں تک۔۔۔۔۔اسی انٹرنیشنل مانگت بن دے جا رہے آں۔ تاں ای تے غیراں نوں مسلماناں دا ڈر نیئں رہیا۔۔۔واری واری کر کے ساریاں نوں ماری کٹی جاندے نیں۔۔اسی ٹی وی اگے بہہ کے ہسدے جانے آں کہ ویکھو ڈاکٹر طاہرالقادری صاحب نال حکومت نے کنج دی گیم کھیڈی اے۔۔ڈاکٹر اشرف آصف صاحب دا دھرنا کنج ناکام کیتا اے۔۔۔تے خادم رضوی صاحب نوں کیسی چلاکی نال اسلام آباد توں اٹھایا اے۔۔۔۔اے بھل جانے آں کہ دائرے وچ پرکار پھر کے نقطہ آغاز تے ای آءوندی اے۔۔اس توں بعد ڈاکٹر قادری صاحب دی بد دعا پی پی نوں انج لگی کے پنجاب وچوں اوہدا بیں مکدا جا رہیا اے۔اپنے نکے نکے دائریاں وچوں باہر نکلو۔۔۔۔تے ملکی تے قومی مفاد واسطے رواداری’برداشت’دا حوصلہ پیدا کرو۔۔۔تعصب دی عینک چڑھا کے کدی قادری صاحب نوں گالاں۔۔۔کدی کسے نوں۔۔۔۔ کدی کسے نوں۔۔۔۔۔۔وقت لبھیا تے وہیلیاں بہہ کے سوچیا جے۔۔۔کہ قاضی حسین احمد صاحب توں بعد تہانوں دھرنیاں دا شعور کنے دیتا؟۔۔۔۔۔۔۔تعلیم شعور تے انقلاب دا نعرہ کنے دتا؟ایناں آکھاں نے قاضی صاحب نوں وی منھاج القرآن تکیا اے۔۔۔۔۔’طارق جمیل صاحب نوں وی تکیا اے۔۔۔۔دعوت اسلامی دع مبلغاں نوں وی جاندا تکیا اے۔۔۔تے اسلام آباد دے دھرنے وچ علامہ ابتسام الہی نوں وی تکیا اے۔۔۔۔برداشت دا دائرہ وڈا کرو تے اج 23مارچ 2018 نوں شریکاں نوں علامہ اقبال رح دا اے شعر سناءو
ایک ہوں مسلم حرم کی پاسبانی کے لئے
نیل کے ساحل سے تا بخاک کاشغر
