ڈپٹی کمشنر شاہد عمران مارتھ کی خصوصی ہدایت پر اسسٹنٹ کمشنر منڈی بہاوالدین ندیم بلوچ نے ضلع منڈی بہاوالدین کے مختلف میرج ہالز کو اچانک چیک کیا اور ون ڈش پر عملدرآمد کا معائنہ کیا۔ اس موقع پر اسسٹنٹ کمشنر ندیم بلوچ کا کہنا تھا کہ انتظامیہ میرج ایکٹ کی پابندی کو ہر صورت یقینی بنائے گی۔ میرج ہال مالکان اپنے اور بہترین قومی مفاد میں میرج ایکٹ کی پابندی کریں ۔ تمام میرج ہالز مالکان رات 10بجے فنگشن کے اختتام کی پابندی پر بھی کاربند رہیں جبکہ آتشبازی و بے جا لائٹنگ ، نمود و نمائش اور ہوائی فائرنگ بھی ممنوع ہے۔
