پاکستان سپر لیگ (پی ایس ایل) 11 کے ایک سنسنی خیز مقابلے میں ملتان سلطانز نے راولپنڈیز کو 7 وکٹوں سے شکست دے کر عمدہ کارکردگی کا مظاہرہ کیا۔ لاہور میں کھیلے گئے میچ میں ملتان سلطانز نے ٹاس جیت کر پہلے فیلڈنگ کا فیصلہ کیا۔
راولپنڈیز نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 182 رنز بنائے۔ ٹیم کی جانب سے سیم بلنگز 56 رنز کے ساتھ ناٹ آؤٹ رہے جبکہ کامران غلام نے 35 اور ڈیان فوریسٹر نے 24 رنز اسکور کیے۔ ملتان سلطانز کی طرف سے فیصل اکرم نے شاندار بولنگ کرتے ہوئے 4 کھلاڑیوں کو آؤٹ کیا جبکہ عرفات منہاس نے 2 وکٹیں حاصل کیں۔
ہدف کے تعاقب میں ملتان سلطانز نے زبردست بیٹنگ کا مظاہرہ کرتے ہوئے 183 رنز کا ہدف 17ویں اوور میں 3 وکٹوں کے نقصان پر حاصل کر لیا۔ صاحبزادہ فرحان نے 68 اور جوش فلپے نے 56 رنز کی شاندار اننگز کھیلی جبکہ شان مسعود 27 اور ایشٹن ٹرنر 26 رنز بنا کر ناٹ آؤٹ رہے اور ٹیم کو فتح سے ہمکنار کیا۔
