پرو لیگ ہاکی ٹورنامنٹ میں پاکستانی ٹیم اپنے ابتدائی گروپ میچ میں شکست سے دوچار ہوگئی، جہاں نیدرلینڈز نے 5-2 کے واضح مارجن سے کامیابی حاصل کی۔ پاکستان کی جانب سے پہلا گول حنان شاہد نے شاندار بائیں ڈرائیو کے ذریعے کیا، جبکہ دوسرا گول دوسرے کوارٹر میں صفیان خان نے پنلٹی کارنر پر اسکور کیا۔ کھیل کے آغاز میں پاکستان نے عمدہ کھیل پیش کیا، تاہم میچ کے آخری پندرہ منٹ میں نیدرلینڈز نے مکمل کنٹرول حاصل کر لیا اور پاکستان کو واپسی کا کوئی موقع نہ ملا۔
نیدرلینڈز کے تجمین راینگا، جنہیں میچ کا بہترین کھلاڑی قرار دیا گیا، کا کہنا تھا کہ ابتدا میں انہیں کھیل میں رفتار پکڑنے میں وقت لگا، لیکن جیسے جیسے میچ آگے بڑھا وہ اپنی کارکردگی بہتر بنانے میں کامیاب رہے۔ ان کا کہنا تھا کہ انہیں اندازہ نہیں تھا کہ پاکستان کی حکمتِ عملی کیا ہوگی، مگر ٹیم نے حالات کو سمجھتے ہوئے بہتر کھیل پیش کیا اور تین پوائنٹس اپنے نام کیے۔ پاکستان ٹیم پرو لیگ میں اب اپنا اگلا میچ 12 دسمبر کو ارجنٹائن کے خلاف کھیلے گی۔
