فیفا ورلڈ کپ کے راؤنڈ آف 32 کے ایک اہم اور سنسنی خیز مقابلے میں کینیڈا نے جنوبی افریقہ کو صفر کے مقابلے میں ایک گول سے شکست دے کر ایونٹ سے باہر کر دیا۔ اس فتح کے ساتھ ہی کینیڈا موجودہ ورلڈ کپ کے راؤنڈ آف 16 (پری کوارٹر فائنل) میں جگہ پکی کرنے والی دنیا کی پہلی ٹیم بن گئی ہے۔ کینیڈا کی فٹ بال تاریخ میں یہ پہلا موقع ہے کہ ٹیم میگا ایونٹ کے پری کوارٹر فائنل مرحلے تک پہنچنے میں کامیاب ہوئی ہے۔ میچ کے دوران دونوں ٹیموں کے درمیان سخت مقابلہ دیکھا گیا، تاہم کینیڈا نے بہترین حکمت عملی اور شاندار ڈیفنس کی بدولت اپنی برتری کو برقرار رکھا اور تاریخی کامیابی اپنے نام کی۔
