قومی کرکٹ ٹیم کی مینجمنٹ کی ہدایت پر اسٹار بیٹر بابر اعظم نے کچھ وقت کے لیے کرکٹ سے آرام لینے کا فیصلہ کیا ہے۔ ذرائع کے مطابق، اسی وجہ سے بابر اعظم جاری نیشنل ٹی ٹوئنٹی کپ میں حصہ نہیں لیں گے اور لاہور وائٹس کو ان کی غیرحاضری کی اطلاع دے دی گئی ہے۔
بابر اعظم نے انفرادی طور پر کوچز کے ساتھ نیٹس میں کام شروع کر دیا ہے اور پی ایس ایل کو ہدف رکھتے ہوئے اپنی پرانی بیٹنگ ٹیکنک کو بحال کرنے کی تیاری کر رہے ہیں۔ بابر اعظم پی ایس ایل میں پشاور زلمی کے لیے اوپننگ کرنے والے ہیں۔
