پاکستان آئی سی سی مینز ٹی ٹوئنٹی کرکٹ ورلڈکپ کی تاریخ کی پہلی ٹیم بن گئی ہے جس نے ایک ہی اننگز میں 6 اسپنرز کا استعمال کر کے منفرد ریکارڈ قائم کر دیا۔ قومی ٹیم کی جانب سے یہ حکمت عملی میچ کے دوران مخالف ٹیم پر دباؤ بڑھانے کے لیے اپنائی گئی۔
ٹی ٹوئنٹی فارمیٹ میں عموماً ٹیمیں محدود تعداد میں اسپنرز کو موقع دیتی ہیں، تاہم پاکستان نے مختلف انداز اپناتے ہوئے اسپن بولنگ کو ہتھیار بنایا اور ورلڈکپ کی تاریخ میں نیا باب رقم کیا۔ کرکٹ ماہرین کے مطابق یہ فیصلہ پچ کی صورتحال اور کنڈیشنز کو مدنظر رکھتے ہوئے کیا گیا۔
ماہرین کا کہنا ہے کہ مختصر فارمیٹ میں اسپنرز کا مؤثر استعمال میچ کا پانسہ پلٹ سکتا ہے، اور پاکستان کا یہ اقدام جدید ٹی ٹوئنٹی کرکٹ میں حکمت عملی کی ایک منفرد مثال کے طور پر دیکھا جا رہا ہے۔
