امریکا کے صدر ڈونلڈ ٹرمپ نے وینزویلا کے صدر نکولس مادورو اور ان کی اہلیہ سیلیا فلوریس کے گرفتار ہونے کی تصدیق کرتے ہوئے سوشل میڈیا پر اپنی تصویر اور بیان جاری کیا ہے۔
ٹرمپ نے کہا کہ امریکا نے وینزویلا اور اس کے لیڈر پر بڑے پیمانے پر حملہ کیا، اور وینزویلا کے صدر و ان کی اہلیہ کو گرفتار کر کے ملک سے باہر منتقل کر دیا گیا۔ انہوں نے اس کارروائی کی منصوبہ بندی کو بہترین قرار دیا۔
دوسری جانب وینزویلا کے نائب صدر نے اس خبر کی تصدیق سے انکار کیا اور کہا کہ وہ نہیں جانتے کہ صدر اور ان کی اہلیہ کہاں ہیں، اور انہوں نے دونوں کے زندہ ہونے کا ثبوت طلب کیا۔
امریکی میڈیا رپورٹس کے مطابق، امریکی فورسز نے مادورو اور سیلیا فلوریس کو ان کے بیڈ روم سے گرفتار کیا۔ یہ واقعہ بین الاقوامی سطح پر کشیدگی اور سیاسی تنازع کو جنم دے رہا ہے۔
