لاہور ہائی کورٹ کے راولپنڈی بنچ نے توہین ناموس رسالت کے مقدمے میں سزائے موت پانے والے چار ملزمان کی اپیل منظور کرتے ہوئے انہیں بری کر دیا۔
ملزمان کے خلاف ایف آئی اے سائبر کرائم سرکل راولپنڈی نے 12 ستمبر 2022 کو توہین ناموس رسالت اور پیکا ایکٹ کے تحت مقدمہ درج کیا تھا۔ بعد ازاں، سیشن کورٹ نے چاروں ملزمان کو سزائے موت سنائی تھی، جس کے خلاف ملزمان نے اپیل دائر کی تھی۔
لاہور ہائی کورٹ کی جانب سے اپیل منظور کیے جانے کے بعد چاروں ملزمان قانونی طور پر بری ہو گئے ہیں۔
