ایرانی وزیر انصاف امین حسین رحیمی نے کہا ہے کہ 8 سے 10 جنوری کے دوران ملک میں ہونے والے احتجاجات دراصل مکمل خانہ جنگی تھے، نہ کہ معمولی مظاہرے۔ کابینہ اجلاس کے بعد صحافیوں سے گفتگو کرتے ہوئے رحیمی نے گرفتار کیے گئے افراد کو مجرم قرار دیا اور کہا کہ ان کے ساتھ کسی قسم کی رعایت یا نرمی نہیں برتی جائے گی۔
وزیر انصاف نے مزید کہا کہ اسرائیل، امریکہ اور بادشاہت کے حامیوں کے خلاف قانونی کارروائی ان کے ایجنڈے کا حصہ ہے۔ ایران کی عدلیہ کے سربراہ غلام حسین محسنی نے بھی اس سے قبل اعلان کیا تھا کہ گرفتار افراد کے خلاف فوری مقدمات چلائے جائیں گے اور انہیں سزا دی جائے گی۔
