ایران پر امریکی حملے رکنے کے بعد عالمی منڈی میں خام تیل کی قیمتوں میں مسلسل کمی کا سلسلہ جاری ہے اور پیر کو کاروبار کے اختتام پر قیمتیں ایک ہفتے سے زائد عرصے کی کم ترین سطح پر آ گئیں۔ غیر ملکی میڈیا رپورٹس کے مطابق برینٹ خام تیل کی قیمت 8.42 ڈالر یا 8.7 فیصد کی نمایاں کمی کے بعد 88.36 ڈالر فی بیرل پر بند ہوئی، جو کہ 17 جولائی کے بعد اس کی سب سے کم ترین سطح ہے۔
دوسری جانب امریکی ویسٹ ٹیکساس انٹرمیڈیٹ (ڈبلیو ٹی آئی) خام تیل کی قیمت میں بھی نمایاں کمی دیکھی گئی ہے۔ امریکی خام تیل کی قیمت 6.70 ڈالر یا 7.5 فیصد کمی کے بعد 82.61 ڈالر فی بیرل پر بند ہوئی۔ ماہرین کے مطابق مشرق وسطیٰ میں کشیدگی کم ہونے اور حملے رکنے کے بعد عالمی منڈی میں تیل کی سپلائی کے حوالے سے خدشات میں کمی واقع ہوئی ہے جس کے اثرات قیمتوں پر ظاہر ہو رہے ہیں۔
