فیفا نے تاریخ میں پہلی بار ورلڈ کپ 2026 کے فاتحین کے لیے روایتی ٹرافی کے ساتھ خصوصی چیمپئن شپ رنگز متعارف کرانے کا اعلان کیا ہے۔ امریکی کھیلوں کی روایت سے متاثر ہو کر تیار کردہ ان 2026 انگوٹھیوں میں سے 30 فاتح ٹیم کے کھلاڑیوں اور آفیشلز کو دی جائیں گی، جبکہ بقیہ 1996 انگوٹھیاں دنیا بھر کے شائقین کے لیے فروخت کے لیے پیش کی جائیں گی۔ ہر انگوٹھی پر فیفا ورلڈ کپ ٹرافی کا ڈیزائن اور فاتح ٹیم کی شناخت کندہ ہوگی، اور یہ سرٹیفکیٹ آف آتھنٹیسٹی کے ساتھ ایک یادگاری تقریب میں پیش کی جائیں گی۔
یہ اعلان 19 جولائی کو نیویارک نیو جرسی اسٹیڈیم میں اسپین اور ارجنٹینا کے درمیان ہونے والے فائنل سے قبل سامنے آیا ہے، جس نے فٹبال کے شائقین میں جوش و خروش پیدا کر دیا ہے۔ فاتح ٹیم کے کپتان اور کوچ کو فائنل کے فوراً بعد عارضی رنگز دی جائیں گی، جبکہ مستقل انگوٹھیاں تمام تفصیلات مکمل ہونے کے بعد ایک خصوصی تقریب میں دی جائیں گی۔
