سیٹل کے تماشائیوں سے بھرے اسٹیڈیم میں کھیلے گئے فیفا ورلڈکپ کے پری کوارٹر فائنل میچ میں بیلجیئم نے میزبان امریکا کو ایک کے مقابلے میں 4 گول سے عبرتناک شکست دے کر ایونٹ سے باہر کر دیا ہے، جہاں امریکی ٹیم صدر ڈونلڈ ٹرمپ کی سفارش پر اسٹار کھلاڑی فلورین بیلوگن کے ریڈ کارڈ کی معطلی کے بعد ہائی مورال کے ساتھ میدان میں اتری تھی لیکن بیلجیئم نے فیفا کے اس فیصلے اور اپنی اپیل مسترد کیے جانے کا بدلہ شاندار کھیل سے لے لیا۔ میچ کے دوران بیلجیئم نے امریکی دفاع کے پرخچے اڑاتے ہوئے جارحانہ کھیل پیش کیا جس میں ڈی کیٹالاری نے دو شاندار گول کیے جبکہ ہنس ویناکن نے 57 ویں منٹ میں تیسرا اور انجری ٹائم میں رومیلو لاکاکو نے چوتھا گول داغ کر امریکا کی واپسی کے تمام راستے بند کر دیے، دوسری جانب پابندی ہٹنے کے بعد میچ کھیلنے والے امریکی فٹبالر بیلوگن کوئی جادو نہ جگا سکے اور میزبان ٹیم کی طرف سے واحد تسلی بخش گول ٹلمین نے اسکور کیا، جس کے بعد اب بیلجیئم نے شان سے کوارٹر فائنل میں جگہ بنا لی ہے جہاں اس کا اگلا سنسنی خیز مقابلہ روایتی حریف اسپین سے ہوگا۔
