ومبلڈن ٹینس ٹورنامنٹ کے ویمنز سنگلز میں ایک بہت بڑا اپ سیٹ دیکھنے میں آیا ہے، جہاں دفاعی چیمپئن اور پولینڈ کی اسٹار کھلاڑی ایگا شواٹک تیسرے راؤنڈ میں فلپائن کی الیگزینڈرا ایلا کے ہاتھوں شکست کھا کر ایونٹ سے باہر ہو گئی ہیں۔ راؤنڈ آف 32 کے اس سنسنی خیز مقابلے میں الیگزینڈرا ایلا نے شاندار کھیل کا مظاہرہ کرتے ہوئے پہلا سیٹ ٹائی بریکر پر جیتا، جس میں انہوں نے 9 کے مقابلے میں 11 پوائنٹس حاصل کیے۔ ایگا شواٹک دوسرے سیٹ میں بھی واپسی کرنے میں ناکام رہیں اور الیگزینڈرا ایلا نے یہ سیٹ 2-6 سے جیت کر پری کوارٹر فائنل میں اپنی جگہ پکی کرلی۔
دوسری جانب، مینز سنگلز کے مقابلوں میں آسٹریلیا کے نمبر 5 سیڈڈ کھلاڑی ایلکس ڈی مینوار نے کامیابی کا سفر جاری رکھا ہوا ہے۔ انہوں نے اپنے امریکی حریف زیچری کے خلاف سخت مقابلے کے بعد فتح حاصل کی۔ ایلکس ڈی مینوار نے یہ میچ 2-6، 7-5، 2-6 اور 4-6 کے اسکور سے اپنے نام کر کے ٹورنامنٹ کے پری کوارٹر فائنل کے لیے کوالیفائی کر لیا ہے۔
