گورنر اسٹیٹ بینک جمیل احمد نے کراچی چیمبر آف کامرس سے خطاب کرتے ہوئے ملکی معیشت اور مہنگائی کے حوالے سے اہم اعداد و شمار جاری کیے ہیں، جن کے مطابق رواں مالی سال کے پہلے نو مہینوں میں معاشی نمو 3.7 فیصد رہی ہے جبکہ مہنگائی بڑھنے کی شرح 7 فیصد تک نیچے آنے کی توقع ہے۔ ان کا کہنا تھا کہ اگلے سال کی دوسری ششماہی سے مہنگائی میں واضح کمی آنا شروع ہو جائے گی، اور اسٹیٹ بینک کا ہدف ہے کہ جون 2028 تک چھوٹے اور درمیانے درجے کے کاروبار (ایس ایم ایز) کی فنانسنگ کو 1500 ارب روپے تک بڑھایا جائے۔ انہوں نے قرضوں کے حجم پر گفتگو کرتے ہوئے واضح کیا کہ ملکی تاریخ میں اندرونی قرضوں میں اضافہ ہوا ہے جبکہ بیرونی قرضوں کے بوجھ کو کم کیا گیا ہے، تاہم عالمی حالات کی وجہ سے ملکی برآمدات متاثر ہوئی ہیں اور رواں مالی سال کا برآمدی ہدف 2 ارب روپے کم رہا ہے۔ نئے کرنسی نوٹوں کے حوالے سے انہوں نے بتایا کہ اس منصوبے پر کام تیزی سے جاری ہے اور اس وقت حکومت سے باقاعدہ منظوری کا عمل آخری مراحل میں ہے
