حکومت کی جانب سے پیٹرولیم مصنوعات کی نئی قیمتوں کا باقاعدہ اعلان کر دیا گیا ہے، جس کے تحت پیٹرول اور ڈیزل کی قیمتوں میں کمی کی گئی ہے۔ سرکاری نوٹیفکیشن کے مطابق، پیٹرول کی قیمت میں 5 روپے فی لیٹر کمی کی گئی ہے، جس کے بعد پیٹرول کی نئی قیمت 409 روپے 78 پیسے فی لیٹر مقرر ہو گئی ہے۔ اسی طرح، ڈیزل کی قیمت میں بھی 5 روپے فی لیٹر کی کمی لائی گئی ہے اور اس کی نئی قیمت 409 روپے 58 پیسے فی لیٹر ہو گئی ہے۔ حکومت کی جانب سے جاری کردہ اس نوٹیفکیشن کے بعد نئی قیمتوں کا اطلاق فوری طور پر کر دیا گیا ہے، جس سے مہنگائی کے ستائے ہوئے عوام کو پیٹرولیم مصنوعات کی خریداری میں ریلیف ملے گا۔
