امریکی صدر ڈونلڈ ٹرمپ نے برطانیہ کے خلاف سخت معاشی اقدامات کا اشارہ دیتے ہوئے بھاری ٹیرف عائد کرنے کی دھمکی دے دی ہے۔ برطانوی اخبار ‘دی ٹیلی گراف’ کو انٹرویو دیتے ہوئے صدر ٹرمپ نے واضح کیا کہ اگر برطانوی وزیراعظم سر کئیر اسٹارمر نے امریکی ٹیک کمپنیوں پر عائد ‘ڈیجیٹل سروس ٹیکس’ ختم نہ کیا تو وہ جوابی کارروائی کے طور پر برطانوی مصنوعات پر بڑے ٹیرف لگائیں گے۔ ٹرمپ نے اس ٹیکس کو غیر منصفانہ قرار دیا ہے۔ دوسری جانب، جی 20 سربراہی اجلاس کے حوالے سے گفتگو کرتے ہوئے انہوں نے کہا کہ اگر روسی صدر ولادیمیر پیوٹن اس اجلاس میں شرکت کرتے ہیں تو یہ عالمی معاملات کے لیے مددگار ثابت ہوگا، تاہم انہیں پیوٹن کی آمد کے حوالے سے فی الحال یقین نہیں ہے۔
