پاکستان نے ٹی ٹوئنٹی کرکٹ ورلڈ کپ میں شرکت کرنے کا اعلان کرتے ہوئے بھارت کے خلاف میچ نہ کھیلنے کا فیصلہ کر لیا ہے۔ اس اہم فیصلے کا اعلان وزیرِ اعظم شہباز شریف اور چیئرمین پاکستان کرکٹ بورڈ محسن نقوی کے درمیان ہونے والی ملاقات کے بعد کیا گیا۔
ذرائع کے مطابق ملاقات میں ٹی ٹوئنٹی ورلڈ کپ میں شرکت اور قومی موقف کے حوالے سے تفصیلی مشاورت کی گئی، جس کے بعد حکومتِ پاکستان نے واضح کیا کہ پاکستان ورلڈ کپ میں حصہ لے گا تاہم بھارت کے خلاف میچ نہیں کھیلے گا۔
ٹی ٹوئنٹی ورلڈ کپ میں پاکستان اور بھارت کا میچ 15 فروری کو شیڈول ہے، تاہم حکومتی ذرائع کا کہنا ہے کہ اس میچ سے دستبرداری کا فیصلہ بطور احتجاج کیا گیا ہے۔ ذرائع کے مطابق بنگلادیش کے معاملے پر آئی سی سی کے جانبدارانہ فیصلے کو اس اقدام کی مرکزی وجہ قرار دیا گیا ہے۔
حکومتی ذرائع نے بتایا کہ قومی ٹیم کو ہدایت کی گئی ہے کہ وہ 15 فروری کو بھارت کے خلاف میچ نہ کھیلے اور اس فیصلے کے ذریعے اپنا احتجاج ریکارڈ کرائے
