رپورٹس کے مطابق رواں سال ہونے والے فیفا ورلڈ کپ کے لیے 50 کروڑ سے زائد ٹکٹ کی درخواستیں موصول ہو چکی ہیں، جو ایونٹ سے قبل نیا ریکارڈ ہے۔ سب سے زیادہ ٹکٹ ڈیمانڈ 17 جون کو میامی میں کولمبیا اور پرتگال کے میچ کے لیے رہی۔
فیفا ورلڈ کپ 2026 11 جون سے 19 جولائی تک امریکہ، میکسیکو اور کینیڈا میں کھیلا جائے گا، جس میں 48 ٹیمیں حصہ لیں گی۔ فاتح ٹیم کو 5 کروڑ ڈالر کی انعامی رقم دی جائے گی، جبکہ رنر اپ ٹیم کو 3 کروڑ 30 لاکھ ڈالر ملیں گے۔ پچھلے ایڈیشن کی فاتح ٹیم کو 4 کروڑ 20 لاکھ ڈالر دیے گئے تھے۔
