افغانستان کے اسپنر راشد خان نے سابق انگلش کپتان کیون پیٹرسن کے ساتھ گفتگو میں اپنی ذاتی سکیورٹی سے متعلق اہم انکشافات کیے ہیں۔
راشد خان نے بتایا کہ وہ کابل کی سڑکوں پر عام لوگوں کی طرح آزادانہ طور پر نہیں گھوم سکتے اور اپنی حفاظت کے لیے بلٹ پروف گاڑی استعمال کرتے ہیں۔
کیون پیٹرسن نے سوال کیا کہ کیا وہ کابل کی گلیوں میں آزادانہ طور پر گھوم سکتے ہیں، جس پر راشد خان نے واضح طور پر کہا کہ وہ افغانستان میں اپنی حفاظت کے لیے ہمیشہ بلٹ پروف گاڑی کا استعمال کرتے ہیں۔
راشد خان کے اندازِ گفتگو سے ظاہر ہوا کہ وہ اس حفاظتی صورتحال کو معمول کا حصہ سمجھتے ہیں، جس پر کیون پیٹرسن بھی حیران رہ گئے۔
