چیئرمین پاکستان تحریکِ انصاف (پی ٹی آئی) بیرسٹر گوہر علی خان نے کہا ہے کہ جسٹس جہانگیری کے خلاف جاری آرڈر ججوں کو عہدے سے ہٹانے کا ایک پریشان کن اقدام ہے، جس پر انہیں شدید تشویش ہے۔
اپنے بیان میں انہوں نے کہا کہ ایسے حکم نامے سے عدالتی آزادی مزید متاثر ہوتی ہے۔ اگر جج اپنی ہی عدالت میں اپنا تحفظ اور دفاع کرنے سے قاصر ہو جائے تو آئین کے تحفظ اور دفاع کا آئینی حلف بے معنی ہو جاتا ہے۔
بیرسٹر گوہر علی خان نے مزید کہا کہ یہ پہلا موقع نہیں جب ججوں کو غیر رسمی طور پر ان کے دفاتر سے ہٹایا گیا ہو۔ ان کا کہنا تھا کہ جسٹس جہانگیری کی بحالی کے ساتھ مستقبل میں ایسے اقدامات کا راستہ روکنا نہایت ضروری ہے تاکہ عدالتی آزادی کو یقینی بنایا جا سکے۔
