عالمی ایئر لائنز نے سافٹ ویئر مسئلے کے باعث متعدد پروازیں منسوخ کر دیں

دنیا بھر کی ایئر لائنز نے ہفتے کے اختتام سے قبل بڑے پیمانے پر پروازیں منسوخ کر دی ہیں۔ ایسوسی ایٹڈ پریس کے مطابق یہ اقدام امریکی طیارے جیٹ بلیو کی دورانِ پرواز رفتار میں کمی کے واقعے کے بعد سامنے آیا، جو گزشتہ ماہ 30 اکتوبر کو پیش آیا تھا۔

اس مسئلے کی بنیادی وجہ اے 320 فیملی کے طیاروں کے فلائٹ کنٹرول سسٹم پر اثر انداز ہونے والا سافٹ ویئر ہے، جس پر یورپی یونین ایوی ایشن سیفٹی ایجنسی (EASA) نے ہدایت نامہ جاری کیا ہے۔ ادارے نے خبردار کیا کہ اس کے باعث پروازوں کے شیڈول میں عارضی خلل پڑ سکتا ہے۔

ایئر لائنز نے کہا کہ زیادہ تر طیاروں میں خرابی کا حل تقریباً دو گھنٹے میں مکمل ہو جائے گا، اور مسافروں کی حفاظت اولین ترجیح ہے۔ جاپان کی آل نپون ایئرویز نے 65 ملکی پروازیں منسوخ کیں، جبکہ امریکن ایئر لائنز کے 209 اے 320 طیارے متاثر ہوئے ہیں۔

پاکستان انٹرنیشنل ایئر لائنز (PIA) نے تصدیق کی کہ اس کے طیارے محفوظ ہیں کیونکہ وہ ابھی بھی پرانا سافٹ ویئر ورژن استعمال کر رہے ہیں، جس میں یہ مسئلہ موجود نہیں۔