بنگلا دیشی انسداد بدعنوانی کمیشن نے سابق وزیراعظم شیخ حسینہ واجد کو قیمتی زمینوں پر غیر قانونی قبضے اور کرپشن کے الزامات میں 21 سال قید کی سزا سنادی ہے۔
خبر ایجنسی کے مطابق عدالت نے کہا کہ شیخ حسینہ نے سرکاری زمین کو ذاتی ملکیت سمجھا، ریاستی وسائل پر قابض رہی اور اپنے قریبی رشتہ داروں کے فائدے کے لیے کارروائیوں میں ہیرا پھیری کی۔
عدالت نے شیخ حسینہ کے امریکا میں مقیم بیٹے اور بیٹی کو بھی 5، 5 سال قید کی سزا سنائی ہے۔
یہ فیصلہ ایک ہفتے بعد سامنے آیا ہے جب انہیں انسانیت کے خلاف جرائم میں سزائے موت سنائی گئی تھی۔ یاد رہے کہ شیخ حسینہ 5 اگست 2024 کو ہیلی کاپٹر کے ذریعے بنگلا دیش سے بھارت فرار ہو گئی تھیں۔
