گجرات: ڈپٹی کمشنر گجرات صفدر حسین ورک نے داؤد پور تا گجرات شاہراہ پر اپنی مدد آپ کے تحت جاری شجر کاری مہم کے لیے مزید پودوں لگائے جا رہے ہیں۔ اس مہم کا مقصد علاقے میں سرسبز و شاداب ماحول فراہم کرنا ہے، جو آنے والی نسلوں کے لیے ماحولیاتی تحفظ کا ضامن ہوگا۔ ڈپٹی کمشنر گجرات نے مظہر الحق ہاشمی، فاؤنڈر گرین ایکسپریس آرگنائزیشن، اور ان کی ٹیم کی شاندار خدمات کو بھی سراہا۔ انہوں نے کہا کہ نہ صرف گجرات شہر بلکہ دیگر علاقوں میں بھی ماحولیاتی بہتری کے لیے مثالی کام کیا جا رہا ہے۔ انہوں نے مزید بتایا کہ پنڈی لوہاراں تا گجرات شاہراہ پر 500 سے زائد قد آور، پھلدار، سایہ دار اور پھولدار درخت لگانے کا منصوبہ ایک اہم اقدام ہے جو موجودہ اور آنے والی نسلوں کے لیے فائدہ مند ہوگا۔ مزید برآں، حکومت پنجاب کے گرین ویژن کے تحت ڈپٹی کمشنر آفس گجرات میں بھی ماحولیاتی بہتری کے لیے 250 انڈور پودے نصب کیے گئے ہیں۔ یہ اقدام نہ صرف سرکاری دفاتر کی تزئین و آرائش کے لیے اہم ہے بلکہ عوامی آگاہی کے لیے بھی ایک مثبت مثال پیش کرتا ہے۔ ڈپٹی کمشنر صفدر حسین ورک نے عوام سے اپیل کی کہ وہ شجر کاری مہم میں بڑھ چڑھ کر حصہ لیں اور گجرات کو سرسبز و شاداب ضلع بنانے میں اپنا کردار ادا کریں۔ انہوں نے اس عزم کا اظہار کیا کہ حکومت پنجاب کے گرین ویژن کے تحت ضلع گجرات کو ایک ماحولیاتی طور پر محفوظ اور خوشحال علاقہ بنایا جائے گا۔
