گجرات(نمائندہ خصوصی) ڈپٹی کمشنر صفدر حسین ورک نے کہا کہ پرائس کنٹرول مجسٹریٹس باقاعدگی سے مارکیٹس کا دورہ کریں، آٹے اور روٹی کی قیمتوں پر عملدرآمد سختی سے یقینی بنایا جائے، ضلع انتظامیہ کی طرف سے مقرر کردہ نرخوں پر ہر صورت عملدرآمد یقینی بنایا جائے، غفلت کا مظاہرہ کرنے والے پرائس کنٹرول مجسٹریٹس کے خلاف سخت کارروائی عمل میں لائی جائے گی ان خیالات کا اظہار انہوں پرائس کنٹرول مجسٹریٹس کے اجلاس کی صدارت کرتے ہوئے کیا، ڈپٹی کمشنر صفدر حسین ورک نے کہ کہا کہ رواں ماہ اگست کے دوران 7770 مقامات پر انسپکشنز کی گئی جبکہ 836 گراں فروشوں کے چالان کرکے ان پر 38 لاکھ 85 ہزار 500 روپے جرمانہ عائد کیا گیا، سنگین خلاف ورزی کے مرتکب 4 افراد کے خلاف مقدمات درج کروائے گئے ہیں۔اسی طرح جولائی کے دوران پرائس کنٹرول مجسٹریٹس نے 9220 مقامات پر انسپکشن کی 972 گراں فروشوں پر 45لاکھ 71 ہزار روپے جرمانہ عائد کیا گیا، جبکہ 4 افراد کے خلاف مقدمہ درج کروایا گیا، ماہ جون کے دوران 16356 مقامات پر انسپکشن کی گئی جبکہ 1304 گراں فروشی کے مرتکب افراد پر 72لاکھ 36ہزار 500 روپے جرمانہ عائد کیا گیا جبکہ 8 افراد کے خلاف مقدمہ درج کروایا گیا،اسی طرح ماہ مئی کے دوران 25423 انسپکشن کی گء اور 1336 گراں فروشوں پر 52 لاکھ 37 ہزار روپے جرمانہ عائد کیا گیا 9 افراد کے خلاف مقدمہ درج کروایا گیا،ماہ اپریل کے دوران 20574 انسپکشن کی گئی جبکہ 976 افراد پر 32 لاکھ 43 ہزار روپے جرمانہ عائد کیا گیا، ماہ مارچ کے دوران پرائس کنٹرول مجسٹریٹس نے 26375 مقامات پر انسپکشن کی اور 1046 گراں فروشوں پر 37 لاکھ 17 ہزار 500 روپے جرمانہ عائد کیا گیا، ڈپٹی کمشنر صفدر حسین ورک نے کہا کہ گراں فروشی و منصوعی مہنگائی کا باعث بننے والے افراد کے خلاف سخت کارروائی عمل میں لائی جائے گی، پرائس کنٹرول مجسٹریٹس گراں فروشوں کے خلاف سخت کارروائی عمل میں لائی جائے گی۔
