کراچی (رپورٹ : جاوید صدیقی) بارہ مارچ سنہ دو ہزار چوبیس بروز منگل کو کراچی کے علاقے نارتھ ناظم آباد سے کم عمر بہن بھائی ایان اور انابیہ لاپتہ ہوگئے تھے۔ بچوں کی والدہ کو اغواء برائے تاوان کی بیرون ملک سے کال موصول ہوئی۔ اغواء کاروں کی جانب سے دس لاکھ روپے تاوان کی ڈیمانڈ کی گئی۔ پاکستان رینجرز سندھ اور سندھ پولیس نے اطلاع ملتے ہی جدید تکنیکی ذرائع استعمال کرتے ہوئے بچوں کا سراغ لگالیا۔ اغواء کار گرفتاری سے بچنے کیلئے بچوں کو کراچی کے علاقے نارتھ ناظم آباد حیدری میں چھوڑ کر فرار ہوگئے۔ پاکستان رینجرز سندھ نے موقع پر پہنچ کر بچوں کو اپنی تحویل میں لے کر والدین کے حوالے کردیا۔
