کھاریاں (رپورٹ: قاری نصیر احمد کلیار) جی ٹی روڈ کھاریاں کے اہم اوورہیڈ برج پر عوام کی جانب سے مسلسل موصول ہونے والی شکایات اور زیرِ گردش اطلاعات کے بعد میونسپل کمیٹی (MC) کھاریاں کی انتظامیہ نے ہنگامی بنیادوں پر نوٹس لیتے ہوئے آپریشن کلین اپ مکمل کر لیا ہے۔ ایم سی کھاریاں کی خصوصی ٹیموں نے پل پر دندناتے اور آمدورفت میں خلل ڈالنے والے تمام غیر قانونی چندہ باکسز کو موقع سے ہٹا دیا ہے، جبکہ طویل عرصے سے راہگیروں کے لیے پریشانی کا باعث بننے والے بھکاریوں کو بھی پل سے مکمل طور پر خاربند کرتے ہوئے راستے کو دو طرفہ ٹریفک اور پیدل چلنے والوں کے لیے پوری طرح کلیئر کر دیا گیا ہے۔
اس آپریشن کیپیسٹی کوائٹ اور پائیداری کو یقینی بنانے کے لیے، میونسپل کمیٹی نے اینٹی انکروچمنٹ (تجاوزات مخالف) اسکواڈ کے اہلکاروں کو اوورہیڈ برج پر مستقل طور پر تعینات کر دیا ہے تاکہ آئندہ کوئی بھی شخص دوبارہ تجاوزات قائم کرنے یا غیر قانونی باکس نصب کرنے کی جرات نہ کر سکے۔ ایم سی کھاریاں کے حکام کا کہنا ہے کہ شہر کی خوبصورتی کو بحال رکھنے، پبلک پراپرٹی کے تحفظ اور جی ٹی روڈ پر سفر کرنے والے عام شہریوں کو بہترین سہولیات فراہم کرنے کے یہ اقدامات مسلسل جاری رہیں گے۔
