سابق وزیراعلیٰ پنجاب میاں منظور احمد وٹو انتقال کر گئے۔ جیو نیوز کے مطابق ان کے اہلِ خانہ نے ان کے انتقال کی تصدیق کر دی ہے۔
میاں منظور احمد وٹو کا تعلق پنجاب کے ضلع اوکاڑہ سے تھا۔ وہ پاکستان کی صوبائی سیاست میں ایک نمایاں مقام رکھتے تھے اور ماضی میں وزیراعلیٰ پنجاب اور اسپیکر پنجاب اسمبلی کے عہدوں پر فائز رہے۔
وہ تین مرتبہ اسپیکر پنجاب اسمبلی منتخب ہوئے جبکہ 1993 میں وزیراعلیٰ پنجاب کے منصب پر فائز ہوئے۔ ان کی سیاسی خدمات کو صوبائی سیاست میں ہمیشہ یاد رکھا جائے گا۔
