مراکش سے اسپین کے شمالی افریقی شہر سیوٹا میں تارکینِ وطن کی بڑی تعداد میں آمد کے بعد اٹلی نے اسپین کے ساتھ شینجن ویزا معاہدہ عارضی طور پر معطل کر دیا ہے۔ اطالوی وزارتِ داخلہ کے مطابق اس فیصلے کے نفاذ کے بعد اب دونوں ممالک کے درمیان فضائی یا بحری سفر کرنے والے مسافروں کو اٹلی میں داخلے کے لیے لازمی طور پر پاسپورٹ دکھانا ہوگا۔ یہ اہم اقدام اس وقت سامنے آیا ہے جب گزشتہ روز مراکش سے تقریباً 60 ہزار تارکینِ وطن اسپین کے علاقے سیوٹا میں داخل ہوئے، جبکہ اس دوران پیش آنے والے مختلف ناخوشگوار واقعات میں 57 افراد جاں بحق بھی ہو گئے۔
واضح رہے کہ شینجن معاہدہ ایک تاریخی یورپی معاہدہ ہے جس کے تحت اس کے رکن ممالک نے آپس کی اندرونی سرحدیں ختم کر رکھی ہیں تاکہ شہریوں اور مسافروں کو بغیر پاسپورٹ یا بارڈر چیکنگ کے آزادانہ سفر کی سہولت حاصل ہو سکے۔ اس عارضی معطل کاری کے بعد دونوں ممالک کے مابین سفر کرنے والوں کو اب کڑے بارڈر کنٹرول اور پاسپورٹ چیکنگ کے مرحلے سے گزرنا ہوگا۔
