پاکستان کرکٹ ٹیم کے نوجوان اسپنر عرفات منہاس نے آسٹریلیا کے خلاف اپنے ون ڈے کیریئر کا آغاز یادگار بنا دیا ہے۔ راولپنڈی میں کھیلے جا رہے پاکستان کے ایک ہزارویں ون ڈے میچ میں عرفات منہاس نے شاندار بولنگ کا مظاہرہ کرتے ہوئے 5 وکٹیں حاصل کیں اور تاریخ رقم کر دی۔ عرفات منہاس پاکستان کی ون ڈے کرکٹ کی تاریخ میں ڈیبیو پر 5 وکٹیں لینے والے پہلے پاکستانی بولر بن گئے ہیں۔ انہوں نے 10 اوورز کے اپنے اسپیل میں 52 رنز کے عوض 5 کھلاڑیوں کو پویلین کی راہ دکھائی۔ اس سے قبل یہ اعزاز فاسٹ بولر ذاکر خان کے پاس تھا جنہوں نے 1984 میں اپنے ڈیبیو پر 19 رنز کے عوض 4 وکٹیں حاصل کی تھیں۔ عرفات منہاس کی اس شاندار اور جادوئی بولنگ کی بدولت ہی آسٹریلیا کی پوری ٹیم 45 ویں اوور میں صرف 200 رنز پر ڈھیر ہو گئی۔
