حکومت نے پیٹرولیم مصنوعات کی قیمتوں میں اضافہ کر دیا

حکومت کی جانب سے جاری اعلامیے کے مطابق پیٹرولیم مصنوعات کی قیمتوں میں اضافہ کر دیا گیا ہے۔ اعلامیے میں بتایا گیا ہے کہ پیٹرول کی قیمت میں 8 روپے فی لیٹر اضافہ کیا گیا ہے جس کے بعد پیٹرول کی نئی قیمت 266 روپے 17 پیسے فی لیٹر مقرر کر دی گئی ہے۔
اسی طرح ہائی اسپیڈ ڈیزل کی قیمت میں بھی 5 روپے 16 پیسے فی لیٹر اضافہ کیا گیا ہے، جس کے بعد ڈیزل کی نئی قیمت 280 روپے 86 پیسے فی لیٹر مقرر کر دی گئی ہے۔
حکومتی فیصلے کے بعد ٹرانسپورٹ کرایوں اور اشیائے ضروریہ کی قیمتوں میں اضافے کا خدشہ ظاہر کیا جا رہا ہے، جبکہ شہریوں نے مہنگائی میں مزید اضافے پر تشویش کا اظہار کیا ہے۔