قومی ایئرلائن نے اپنے عملے کے گمشدگی اور سیاسی پناہ لینے سے متعلق سوشل میڈیا پر زیر گردش خبروں کو بے بنیاد اور گمراہ کن قرار دیتے ہوئے سختی سے مسترد کر دیا ہے۔
قومی ایئرلائن نے سماجی رابطے کی ویب سائٹ ایکس پر جاری بیان میں کہا کہ پاکستان مخالف بعض حلقے سوشل میڈیا پر ایک ٹوئٹ کے ذریعے دعویٰ کر رہے ہیں کہ قومی ایئرلائن کی ایک مخصوص پرواز کے تمام عملے لاپتہ ہو گئے ہیں، جس کی حقیقت میں کوئی بنیاد نہیں ہے۔
ایئرلائن نے واضح کیا کہ یہ دعویٰ قومی ایئرلائن اور پاکستان کی ساکھ کو نقصان پہنچانے کے لیے پھیلایا گیا، اور ایسا کوئی واقعہ پیش نہیں آیا۔ قومی ایئرلائن نے کہا کہ ٹورنٹو پرواز کے عملے کی سیاسی پناہ کی خبریں بھی مکمل طور پر غلط اور گمراہ کن ہیں۔
