آئرلینڈ کے نو منتخب وزیراعظم سائمن ہیرس نے فلسطین کو تسلیم کرنے کا اعلان کر دیا۔آئرلینڈ کے شہر گیلوے میں ایک تقریب سے خطاب میں سائمن ہیرس نے کہا کہ اسرائیل سے غزہ میں جنگ بندی اور غزہ میں امداد کی فراہمی کا پُر زور مطالبہ کیا۔انہوں نے کہا کہ وزیراعظم نیتن یاہو آج مجھے یہ کہنے دیں، ہم آپ کے اقدامات سے بیزار ہو گئے ہیں، اب جنگ بندی کرو اور امداد کی رسائی محفوظ بناؤ۔سائمن ہیرس کا کہنا تھا کہ میرے دوستوں ہمیں دو ریاستی حل کی ضرورت ہے، اسرائیل اور فلسطین ساتھ ساتھ امن و سلامتی سے رہیں۔انہوں نے مزید کہا کہ آج رات گیلوے سے میں اس میں اس بات پر زور دیتا ہوں کہ آئرلینڈ فلسطین کو ریاست تسلیم کرنے کے لیے تیار ہے۔واضح رہے کہ آئرلینڈ طویل عرصے سے فلسطینی عوام کے حقوق کے لیے آواز اٹھاتا رہا ہے اور اس نے مسلسل فلسطینی علاقوں پر قبضے کے خاتمے اور ایک آزاد فلسطینی ریاست کے قیام کا مطالبہ کیا ہے۔وزیر اعظم کا یہ بیان فلسطینی کاز کو آگے بڑھانے اور تنازعہ کے منصفانہ اور دیرپا حل کے حصول کے لیے ٹھوس اقدامات کرنے کے لیے آئرلینڈ کی آمادگی کی نشاندہی کرتا ہے
