پریذیڈنٹ ٹرافی گریڈ ون: پاکستان ٹیلی ویژن کے محمد شہزاد نے پاکستانی فرسٹ کلاس کرکٹ کی تیز ترین سنچری کا ریکارڈ قائم کر دیا

اسلام آباد میں کھیلے جانے والے پریذیڈنٹ ٹرافی گریڈ ون فرسٹ کلاس کے تیسرے راؤنڈ میں پاکستان ٹیلی ویژن (PTV) کے بیٹر محمد شہزاد نے شاندار اور جارحانہ بیٹنگ کا مظاہرہ کرتے ہوئے پاکستانی فرسٹ کلاس کرکٹ کی تاریخ کی تیز ترین سنچری کا ریکارڈ اپنے نام کر لیا۔ محمد شہزاد نے جمعرات کے روز اسلام آباد کے ڈائمنڈ کرکٹ گراؤنڈ میں کنگز مین اکیڈمی کے خلاف میچ کے دوران صرف 49 گیندوں پر اپنی سینچری مکمل کی۔ اس اننگز میں انہوں نے مجموعی طور پر 62 گیندوں کا سامنا کیا اور 12 چوکوں اور 8 فلک شگاف چھکوں کی مدد سے 114 رنز کی شاندار باری کھیلی۔

اس شاندار کارنامے کے ساتھ ہی محمد شہزاد نے سابق پاکستانی کپتان مصباح الحق کا طویل عرصہ پرانا ریکارڈ توڑ دیا ہے، جنہوں نے 2014 میں فرسٹ کلاس کرکٹ میں 56 گیندوں پر سنچری اسکور کی تھی۔ واضح رہے کہ محمد شہزاد کے فرسٹ کلاس کیریئر کی یہ چھٹی سنچری ہے، جس نے ملکی سطح پر کرکٹ کے حلقوں میں دھوم مچا دی ہے اور ان کی اس ریکارڈ ساز اننگز کو کرکٹ کی تاریخ میں سنہری حروف سے لکھا جائے گا۔