لاہور: وزیراعلیٰ پنجاب مریم نواز شریف نے شعیب مرزا کو سپیشل اسسٹنٹ ٹو وزیراعلیٰ پنجاب مقرر کر دیا ہے۔ اس سے قبل شعیب مرزا وزیراعلیٰ مریم نواز کے پولیٹیکل کوآرڈینیٹر اور وزیراعلیٰ شکایت سیل کے انچارج کے طور پر اپنی ذمہ داریاں انجام دے رہے تھے۔
شعیب مرزا نے اپنے سابقہ عہدوں پر رہتے ہوئے تنظیمی امور، سیاسی رابطہ کاری اور حکومتی معاملات کی نگرانی میں فعال کردار ادا کیا۔ ان کی کارکردگی کو مدنظر رکھتے ہوئے انہیں یہ نئی ذمہ داری سونپی گئی ہے۔
مسلم لیگ (ن) کے رہنماؤں اور کارکنان نے شعیب مرزا کی تقرری پر اطمینان کا اظہار کرتے ہوئے امید ظاہر کی ہے کہ وہ وزیراعلیٰ پنجاب کی ٹیم میں اپنی صلاحیتوں کو بروئے کار لاتے ہوئے حکومتی امور اور عوامی مسائل کے حل میں مؤثر کردار ادا کریں گے۔
