ریاض سے سعودی وزارت دفاع کا بتाना ہے کہ کثیر ملکی بحری دفاعی اتحاد کے رکن ممالک کے رابطہ افسران نے اتحاد میں شمولیت کے لیے تمام ضروری مراحل کامیابی سے مکمل کر لیے ہیں۔ وزارت دفاع کے مطابق دیگر افسران کی تعیناتی مقررہ تعداد کے مطابق اب مرحلہ وار مکمل کی جائے گی، کیونکہ یہ اتحاد اب باضابطہ طور پر عملی آپریشنز اور مشترکہ دفاعی تعاون کے مرحلے میں داخل ہو چکا ہے۔ سعودی وزارت دفاع کا کہنا ہے کہ اس دوران اتحاد کی قیادت کے تعین، تنظیمی ڈھانچے، ہیڈکوارٹر کے قیام اور آپریشنل نظام کی منظوری سمیت تمام اہم انتظامی مراحل بھی مکمل کر لیے گئے ہیں۔
وزارت دفاع کے جاری کردہ بیان کے مطابق اس کثیر ملکی اتحاد کا بنیادی مقصد خطے میں مشترکہ بحری سلامتی کو فروغ دینا، آزاد بحری آمد و رفت کا تحفظ کرنا، عالمی تجارت اور سپلائی چین کے تسلسل کو یقینی بنانا ہے، جبکہ اس سے تمام رکن ممالک کے درمیان دفاعی تعاون اور عسکری صلاحیتوں کو مزید بہتر بنانے میں بھی مدد ملے گی۔
