دھمکیاں جاری رہیں تو حتمی معاہدے پر مذاکرات شروع نہیں ہوں گے، ایرانی وزیر خارجہ عباس عراقچی کا دوٹوک اعلان

تہران: ایرانی وزیر خارجہ عباس عراقچی نے سماجی رابطے کی ویب سائٹ پر جاری اپنے ایک اہم بیان میں واضح کیا ہے کہ اگر دھمکیاں دینے کا سلسلہ اسی طرح جاری رہا تو حتمی معاہدے پر کسی قسم کے مذاکرات شروع نہیں ہوں گے۔ انہوں نے کہا کہ لاکھوں ایرانیوں نے آیت اللہ سید علی خامنہ ای کو خراجِ عقیدت پیش کرنے کے لیے جنازے میں جس بے مثال اتحاد کا مظاہرہ کیا ہے، وہ اس بات کا ثبوت ہے کہ نہ تو ایرانی عوام اور نہ ہی ہماری بہادر مسلح افواج کسی بھی قسم کی دھمکی یا دباؤ سے مرعوب ہونے والی ہیں۔

ایرانی وزیر خارجہ عباس عراقچی نے فریقِ ثانی کو مخاطب کرتے ہوئے کہا کہ مفاہمتی یادداشت کی شق نمبر 13 بالکل واضح ہے، اس لیے دھمکیوں کے تسلسل کی موجودگی میں حتمی معاہدے پر بات چیت کا آغاز ممکن نہیں۔ انہوں نے زور دیتے ہوئے مزید کہا کہ فریقین کو چاہیے کہ وہ اپنے کیے گئے دستخط اور عالمی وعدوں کا احترام کریں، کیونکہ دھمکی آمیز رویہ سفارتی عمل کو آگے بڑھانے میں سب سے بڑی رکاوٹ ہے۔