ایران پر طے شدہ حملے روک رہے ہیں ، معاہدہ حتمی مراحل میں پہنچ چکا ہے : ٹرمپ

امریکی صدر ڈونلڈ ٹرمپ نے سوشل میڈیا پلیٹ فارم ‘ٹروتھ سوشل’ پر ایک اہم بیان جاری کرتے ہوئے اعلان کیا ہے کہ ایران کے خلاف طے شدہ فوجی حملوں کو روک دیا گیا ہے۔ صدر ٹرمپ کے مطابق، اسلامی جمہوریہ ایران کے ساتھ ہونے والی بات چیت اب حتمی اور اعلیٰ ترین سطح پر پہنچ چکی ہے، جس کی باقاعدہ منظوری بھی دی جا چکی ہے۔ انہوں نے واضح کیا کہ اسی پیش رفت کے پیش نظر بطور صدر انہوں نے فوجی کارروائی نہ کرنے کا فیصلہ کیا ہے۔

​اس سفارتی کامیابی کے بارے میں مزید بتاتے ہوئے صدر ٹرمپ نے کہا کہ مجوزہ معاہدے کے تمام نکات اور تفصیلات پر متعلقہ فریقین متفق ہو چکے ہیں۔ اس معاہدے میں امریکا اور ایران کے علاوہ کئی اہم علاقائی اور عالمی طاقتیں بھی شامل ہیں۔ جن ممالک نے اس اصولی اور تفصیلی اتفاق رائے پر دستخط کیے ہیں ان میں اسرائیل، سعودی عرب، متحدہ عرب امارات، قطر، ترکیے، پاکستان، بحرین، کویت، اردن اور مصر شامل ہیں۔ یہ پیش رفت خطے میں جاری کشیدگی کو کم کرنے کے لیے ایک بڑی سفارتی کامیابی کے طور پر دیکھی جا رہی ہے۔