فخر زمان نے اپنی فٹنس کے حوالے سے کیے جانے والے تبصروں پر خاموشی توڑ دی ہے۔ قومی بیٹر نے سوشل میڈیا پر سابق کرکٹر عبدالرؤف کے حالیہ تبصرے پر ردعمل دیتے ہوئے وضاحت کی کہ وہ 50 اوور کی کرکٹ کے لیے مکمل طور پر فٹ نہیں تھے۔
فخر زمان نے اپنی پوسٹ میں کہا کہ اس حوالے سے سابق کرکٹر عاقب جاوید کی رائے بالکل درست تھی، اور وہ اس بات کو تسلیم کرتے ہیں کہ ان کی فٹنس اس وقت مکمل نہیں تھی۔ انہوں نے مزید بتایا کہ 15 مارچ کو فٹنس ٹیسٹ کلیئر کرنے کے بعد وہ نیشنل ٹی ٹوئنٹی ٹورنامنٹ میں شریک ہوئے۔
واضح رہے کہ سابق کرکٹر عبدالرؤف نے فخر زمان کی فیلڈنگ کی ایک تصویر شیئر کرتے ہوئے سلیکشن کمیٹی کے فیصلے پر سوال اٹھایا تھا، جس کے بعد اس معاملے نے سوشل میڈیا پر کافی توجہ حاصل کی۔
فخر زمان کے اس بیان سے شائقین اور کرکٹ ماہرین میں بحث جاری ہے کہ کیا قومی ٹیم کی موجودہ فٹنس معیار اور کھلاڑیوں کی تیاری مناسب ہے یا نہیں۔
