زمبابوے کرکٹ ٹیم کے ٹی ٹوئنٹی کپتان سکندر رضا کے 13 سالہ بھائی محمد مہدی کا انتقال ہو گیا ہے۔ زمبابوے کرکٹ کے مطابق محمد مہدی 29 دسمبر کو ہرارے میں انتقال کر گئے۔
زمبابوے کرکٹ کی جانب سے جاری بیان میں بتایا گیا کہ محمد مہدی پیدائشی طور پر ہیموفیلیا کے مریض تھے اور حالیہ پیچیدگیوں کے باعث وہ انتقال کر گئے۔
زمبابوے کرکٹ بورڈ نے سکندر رضا اور ان کے اہلِ خانہ کے ساتھ اظہارِ ہمدردی کرتے ہوئے کہا کہ منیجمنٹ، کھلاڑی اور اسٹاف اس مشکل گھڑی میں ان کے ساتھ کھڑا ہے۔
